بليز اقرا الموضوع ون تايم ويبقى مرسى ليك لو رديت عليه ...يلا باى
5 مشترك
كاتب الموضوع
رسالة
أمير السراب Admin
عدد الرسائل : 71 تاريخ التسجيل : 20/07/2008
موضوع: بليز اقرا الموضوع ون تايم ويبقى مرسى ليك لو رديت عليه ...يلا باى الخميس يوليو 24, 2008 12:25 pm
السلام عليكم وحمة الله ....
الموضوع ببساطة يا شباب ملخصا فى عنوان الموضوع .........بليز... ون تايم ..مرسى ..باى .......
يعنى ببساطة شديدة احنا دلوقتى والحمد لله شباب عربى زى الفل بس للأسف نص كلامنا ان مكانش تلت ترباعه انجليش أو انجليزى .......واللى استخدمت دلوقتى على أنها مواكبة للمدنية و التقدم و أنها مستوى راقى و"هاى كلاس " وكان اللغه العربية دى بقت حاجة بيئة وياي وكخة ......!!
انا مش عارف ليه البنى أدمين دلوقتى بقت خلاص نصهم عربى ونصهم انجليزى فى الكلام ........طيب يا يبقى كله عربى يا كله انجليزى ومش لازم بقى كل الواحد يترجم الكلام اللى بيتقاله زى مرسى دى ........مرسى دى كل ما اققراها أفتكر واحد صاحب بابا .....طيب حتى اكتبوها صح زى مييرسى .....وحشة اللى فاتت دى ؟!....ما هى زى الفل اهه ....
يعنى بننقل من لغة تانية وبنكتبها بالعربى وبنغلط فيها .......عمركوا شوفتوا خيبة اكتر من كده .....وبعدين مالها شكرا يعنى ....وجزاك الله كل خير والكلام السهل العربى ده .....انا موش عارف ....أيوا مووووش ما تستعجبش اشمعنى دى اللى مش هكتبها على مزاجى بدل مرسى !!
حاجة بقت عجيبة جدا ..... وكمان ليه الشباب حديثا بيستعملوا كلمة (مان) فى الكلام؟؟ لو هى كلمة عربى وانا موش واخد بالى حد يقولى ......
ليه لغتنا بتتهاجم من كل ناحية ؟؟؟ لغتنا هى اصلنا ...... لغتى امى لا اتركها حتى ولو كانت قبيحة .... فكيف اذا كانت اجمل الامهات ؟؟
واذا هنا تفيد التحقيق .......
وبعدين انا عايز اعرف مالها لغتنا ؟؟ هى صحيح معقدة ومليانة كلاكيع بس مفيش اجمل منها ...... وبعدين احنا ليه بناخد من لغات الغرب كلمات وندخلها لغتنا؟؟؟ طب احنا ليه منتقتديش بيهم فى موضوع اللغة ده انهم عمرهم مجابوا كلمات من لغة تانية ودخلوها لغتهم .... لو كنا عاوزين نقلد كنا قلدنا فرنسا اللى حافظت على لغتها ومبترضاش تتعامل غير بيها فى تعاملاتها ... لا دى مش فرنسا بس ...دى كل دول اوروبا اعجبت بموقفها وعملوا زيها .....
سؤال تانى محيرنى ....... هو احنا ليه فى الجامعة دراستنا بالانجليزى؟؟ مع اننا لما هنتخرج هنشتغل فى بلد عربى .....(دا اذا كان للى بندرسه علاقة بالشغل اساسا) واللغة فى البلد العربى دى لغة عربية ولا ايه؟؟
بيتهيالى لغتنا محتاجة من اهلها شوية اهتمام قبل متوقع وتندثر .... وتنتهى ..... زى كل اللغات اللى انقرضت..... ولو انقرضت مش هنعرف نرجعها تانى
ممكن فى ناس هيردوا عليا ويقولولى ان اللغة باقية ببقاء القرآن .....بس بالمنظر اللى الاسلام واهله بقى فيه دلوقتى ؟؟ حالة الاسلام بتتدهور فى كل مكان ..... والقرآن بيستهان بيه .... وكلنا عارفين ايه اللى اتعمل فى الاسلام والقرآن واللى اتقال عليه......و المسلمين قاعدين يتفرجوا وبيعملوا حاجات اكتر تسىء ليهم ولدينا .........
موضوع اللغة موضوع بيدايقنى اوى لما اشوف حبيبة قلبى لغتى بتضيع قدام عينى بسسب اللهجات واللغة العامية اللى بتشوه لغتنا الام .....
انا عارف انى رخمت عليكوا والموضوع دمه تقيل وانا دمى اتقل انا عارف بس مقدرتش امسك نفسى بصراحة من زعلى عليها ........ عايز اعرف رايكوا بصراحة ومين مع ومين ضد اننا نستخدم الحاجات العجيبة اللى انا قولت عليها دى فى تعاملاتنا؟؟؟؟
ربنا يحميها ويحمينا ...........
اشكر لكم حسن المتابعة ...........
ودمتم سالمين ....................
نور & مهند
عدد الرسائل : 2 العمر : 33 العمل/الترفيه : مسافر بلا عنوان تاريخ التسجيل : 25/07/2008
موضوع: رد: بليز اقرا الموضوع ون تايم ويبقى مرسى ليك لو رديت عليه ...يلا باى الجمعة يوليو 25, 2008 8:54 am
موضوع بجد مميز وجميل وانا معاك ان لغتنا هية احنا المصرين والعرب ولو اتخلينا عن لغتنا يبقى اخلينا عن كرامتنا وعرقنا لعربى الاصيل وماننساش ان اللغه العربية هية لغة القران الكريم
only heart Admin
عدد الرسائل : 47 العمر : 34 العمل/الترفيه : لسه طالب تاريخ التسجيل : 24/07/2008
موضوع: رد: بليز اقرا الموضوع ون تايم ويبقى مرسى ليك لو رديت عليه ...يلا باى الجمعة يوليو 25, 2008 6:56 pm
مييرسى ....كده حلو ههههه بجد موضوع جميل ودى مشكلة كبيرة والى يفرسك اكتر ان مفيش واحد اجنبى بيقول كلمة عربى فى كلاموو
وشكرااااااااااااااااااااااااااااااااص
السندباد
عدد الرسائل : 1 العمر : 34 العمل/الترفيه : طالب تاريخ التسجيل : 26/07/2008
موضوع: رد: بليز اقرا الموضوع ون تايم ويبقى مرسى ليك لو رديت عليه ...يلا باى السبت يوليو 26, 2008 3:23 am
شكرا ليك يا بشمهندس علي الموضوع ومش وحش اننا نستخم مصطلحات انجليزي مثلا وفي نفس الوقت نحتفظ بلغتنا الجميله واهم حاجه ان معني الكلام يوصل للي عايزين نكلمه
والف شكر ليك ويارب المنتدي يكون في تطور دائم
sinderella
عدد الرسائل : 41 العمر : 33 العمل/الترفيه : التنس والقراءه تاريخ التسجيل : 27/07/2008
موضوع: رد: بليز اقرا الموضوع ون تايم ويبقى مرسى ليك لو رديت عليه ...يلا باى الأربعاء يوليو 30, 2008 9:23 am
فعلا انا معاك ياخالد اننا لازم نحافظ على لغتنا بس مفيش مانع اننا نستخد الكلام الاجنبى ده مش معناه اننا بنقلل من شأن اللغه
وشكرا ع الموضوع
أمير السراب Admin
عدد الرسائل : 71 تاريخ التسجيل : 20/07/2008
موضوع: رد: بليز اقرا الموضوع ون تايم ويبقى مرسى ليك لو رديت عليه ...يلا باى الخميس يوليو 31, 2008 3:55 am
أوكشن شباب
ثانكث للتفاعل
هههههههههههههههه
بليز اقرا الموضوع ون تايم ويبقى مرسى ليك لو رديت عليه ...يلا باى
موضوع: بليز اقرا الموضوع ون تايم ويبقى مرسى ليك لو رديت عليه ...يلا باى 
الخميس يوليو 24, 2008 12:25 pm
... ون تايم 
..مرسى 
..باى 
.......
بس للأسف نص كلامنا ان مكانش تلت ترباعه انجليش أو انجليزى .......
واللى استخدمت دلوقتى على أنها مواكبة للمدنية و التقدم و أنها مستوى راقى و"هاى كلاس "
وكان اللغه العربية دى بقت حاجة بيئة وياي وكخة ......!!
........طيب يا يبقى كله عربى يا كله انجليزى ومش لازم بقى كل الواحد يترجم الكلام اللى بيتقاله زى مرسى دى ........مرسى دى كل ما اققراها أفتكر واحد صاحب بابا 
.......عمركوا شوفتوا خيبة اكتر من كده 
.....وبعدين مالها شكرا يعنى 
....وجزاك الله كل خير والكلام السهل العربى ده
.....انا موش عارف 
....أيوا مووووش ما تستعجبش اشمعنى دى اللى مش هكتبها على مزاجى بدل مرسى !!
لو هى كلمة عربى وانا موش واخد بالى حد يقولى ......
...... لغتى امى لا اتركها حتى ولو كانت قبيحة 
.... فكيف اذا كانت اجمل الامهات ؟؟
....... ونجلد غيرنا ....
.....(دا اذا كان للى بندرسه علاقة بالشغل اساسا) واللغة فى البلد العربى دى لغة عربية
.... وتنتهى ..... زى كل اللغات اللى انقرضت
انا عارف 
ومين ضد
اننا نستخدم الحاجات العجيبة اللى انا قولت عليها دى فى تعاملاتنا؟؟؟؟
